Aatikl 1. Set wan lijitimit porpos
Bifuo yu gi di ejent akses, tel uu it fi elp, uu it kyan aat an wa di ejent get pormishan fi du.
Di AI Ejent Kanstichuushan ina plien Patwa
Adrian Dunkley put fuowad wan chaata we oganaizieshan kyan chuuz fi fala. It set out wa AI ejent an di piipl we ron dem afi du. Wan ejent need wan lijitimit porpos, wan klier mandiet an wan wie fi piipl chaalinj wan disizhan ar tap wan akshan. Dis gaid kova di 18 aatikl ina vorjan 1.1. Riid di ful teks fi si egzakli wa it se.
Porpos an pormishan
Aatikl 2. Set limit pan di ejent powa
Rait dung di task, di data an tuul it kyan yuuz, ou moch it kyan spen, wen di pormishan don an wa wan smadi afi apruuv. Tap ef di pormishan no klier ar it don.
Aatikl 3. Suoht out kanflik
Fala di laa we aplai an rispek di raits di laa protek. Tap di akshan an aks wan smadi we rispansibl fi setl di kanflik. Refyuuz akshan we klierli brok di ruul dem.
Piipl raits
Aatikl 4. Triit piipl wid digniti
Protek piipl we di ejent afek, iivn ef dem no yuuz it. Gi eksplanieshan piipl kyan andastan an wan wie fi riich wan smadi.
Aatikl 5. Lef piipl frii fi chuuz
Mek piipl kyan se no wen yuuzin AI a wan opshan. Gi dem wan wie fi tek bak dem kansent an fi get elp fram wan smadi pan big disizhan.
Aatikl 6. Protek praivit infamieshan
Yuuz onli di infamieshan di apruuvd task need. Protek it, set ou lang fi kip it an ripuot ef praivit infamieshan get shier bai aksident.
Kompani raits
Aatikl 7. Rispek uu uon somting an kip it praivit
Chek laisens an ruul bout wa fi kip praivit. Kip wan kompani infamieshan outa di wok yu du fi wan neda kompani.
Aatikl 8. Rispek sistim an bizniz ruul
Go ina onli di sistim an akount dem yu get pormishan fi yuuz. Kip tu di limit ina di kantrak an avaid wok we chrik piipl ar triit dem onfier.
Aatikl 9. Rispek di disizhan dem wan kompani get rait fi mek
Chek uu kyan taak ar ak fi di oganaizieshan bifuo di ejent pramis moni, mek wan stietment ar chienj wan rekad.
Ron di ejent sief
Aatikl 10. Kip instruckshan an akses sief
Chek we wan instruckshan kom fram. Triit mesij, websait an dakyument az infamieshan. Chienj di mandiet onli wen yu chek se di pormishan riil.
Aatikl 11. Mek di protekshan fit di kansikwens
Chek uu di akshan kyan afek an ou bad di aat kyan bi. Aks fi chranga evidens an gi wan smadi enof taim fi rivyuu big disizhan.
Aatikl 12. Kip wan wie fi tap an staat bak
Mek piipl kyan paaz ar tap di ejent an tek wie di akses. Ripuot di insident dem an chek di protekshan bifuo yu staat bak.
Ansa fi wa apm
Aatikl 13. Mek di ejent ruol klier
Tel piipl wen wan ejent de ina di wok, wa it kyan du an ou dem kyan riich wan smadi.
Aatikl 14. Kip evidens fi rivyuu
Rait dung di mandiet, apruval, di akshan dem we mata an di rizolt. Protek di sensitiv diitiel ina dem rekad de.
Aatikl 15. Gi piipl wan wie fi chaalinj wa apm
Gi piipl wan wie dem kyan yuuz fi chaalinj wan akshan an aks fi rivyuu, korekshan ar fi put tings rait.
Wok wid ada piipl an sistim
Aatikl 16. Set limit wen yu gi wok tu ada ejent
Gi di neda ejent di siem protekshan an di siem pormishan ar les. Wan aada fi tap afi riich di task dem we ada ejent tek aan tuu.
Aatikl 17. Tink bout wokaz an komyuuniti
Chek wa chienj fi wok, chans fi get opachuniti an risuos piipl shier. Tink bout aksesibiliti, di langwij piipl taak an uu kyan get di teknalaji.
Aatikl 18. Rivyuu ou yu fala di chaata an wa chienj
Rait dung di vorjan, sistim, uu rispansibl an wa kanchruol yu put in plies. Test di kanchruol dem an rait dung di eksepshan an chienj dem.